Улька, сана асăнса...

Тайăр Тимкки | Сăвă | 1907 | революциччен çырнисем | 542


Улька, сана асăнса,

Элĕ çыру яратăп.

Аван сăмах каласа,

Санăн питне чуп тăвап.

 

...Эпĕ ĕлĕк, çамрăк чух,

Хĕрпе вăхăт ирттертĕм.

Манăн шухăш çăмăл чух

Чунтан-вартан юратрăм.

 

Анчах мĕскер пуласса

Манăн шухăш пулмарĕ.

Малта хуйхă курасса

Çамрăк чĕре сисмерĕ.

 

Улька, Улька, асăнса,

Мана çаплах çыру яр.

Çапах мана шеллесе,

Асăнмасăр ан хăвар.

 

Улька, Улька, астусам,

Çулла иккĕн çӳрени...

Иртрĕç курнă савнăçсем,

Иртрĕ Телей, Савăнни.

 

Сана эпĕ чуп тăвам,

Сана эпĕ юратап.

Кăкăр çумне ыталап,

Нимĕн тăва пĕлместĕп...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: