Амăшне

Иван Ахах | Сăвă | 1919 | 607


Сан ачуна вĕлерчĕç...

Питĕ хытă ĕненсе,

Аслă çын пек вăрçăра

Хăрамасăр вăл вилчĕ...

Хăй çуралнă çĕршывшăн

Хăй пурнăçне вăл пачĕ.

Хăй пурăннă кун-çула

Ирттерчĕ вăл çуклăхра...

Ак аслати авăтрĕ —

Савнă килне пăрахса,

Тĕрĕслĕхшĕн çапăçма

Вăл ĕненсе вăрçа кĕчĕ,

Юлташсемшĕн вăл вилчĕ.

Анчах вăл ман шухăшра

Вăрçă вăрçни курăнать...

Йĕме пăрах эс, анне!

Питĕ йывăр хуйхăра

Эс пĕччен мар — эпир те...

Сан юратнă ывăлу

Совет ывăлĕ пулчĕ,

Уншăн чунне те пачĕ!..

Сана, хуйхăллăскерне,

Таса анне, ыр сунса

Салам ярать халь Совет!

Мана та эс ирĕк пар

Хам куççуле сан ачун

Тăпри çинче юхтарма.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: