Уйăхпа Çĕр

Нар Урини | Сăвă | Уйăх | Çĕр | 617


Хĕвел анчĕ. Ӳкрĕ сывлăм, тусăм.

Лăпкă каç чечек шăрши сарать.

Вăтанса хĕрелчĕ каçхи шуçăм,

Ак пытанчĕ — Уйăх хăпарать.

 

Тӳперен сенкер те кĕмĕл çутă

Юмахри пек Çĕрелле юхать.

Йĕкĕт-Уйăх çавра сăнлă, тутă,

Пĕрмаях савни çине пăхать.

 

Пирĕн пек, пăхса тăранаймарĕ

Чунĕ савнă сар хĕр — Çĕр çине.

Ирхи çутă шуçăмччен сăнарĕ

Кун каçа çынсем мĕн тунине.

 

Санпалан эпир нумай чух уйрăм,

Савни маннă тесе ан йĕрех.

Уйăха пăхса, чĕкеçĕм, туйрăм:

Уйрăм чух та вăл савать... Çĕрех!

 

Пирĕн пек, вĕсем те сăмах татнă.

Уйăх аллинче сар хĕр çĕрри.

Çĕрпе Уйăх, эс те эп — тăваттăн

Уйрăлатпăр. Сас парать тăри.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: