Анне сарриллĕ сар чечек...

Анне сарриллĕ сар чечек

Ял çулĕ хĕрринче.

Чăваш хĕрарăмĕ пекех

Чипер çурхи тĕнче.

Хушпу тенкиллĕ шыв хыçра

Чăнкăртатса юлать.

Чăпар куккук çăкалăхра

Çӳрес куна шутлать.

Арçын куçĕ пекех элле

Пыл хурчĕсеи вĕл-вĕл.

Хĕрарăм кĕпилле вĕлле

Чĕл-чĕлл, чĕл-чĕлл, чĕл-чĕлл.

Чупас çулсем инçе-инçе —

Юртать, юртать юпах.

Тенкĕ сасси çинçе-çинçе —

Вĕçленесси çуках.

Çĕнĕ комментари хуш