Эй, кам шаккать алăкран?..

Эй, кам шаккать алăкран?

Кам шаккать?

Чĕререн шаккасан та —

Илтместпĕр.

Курсан та, курсан та

Пĕрех.

Пурпĕрех —

Эпир нимĕн те,

Ним те пĕлместпĕр.

Çапăçас текенни —

Çапăçать,

Ятлаçать —

Ятлаçас текенни.

Ал сулса,

Хулăнрах тăлăппа

Хупланса,

Пытанатпăр та —

Хăвăрт пăрнатпăр.

Пурăнатпăр!

Хăш та хăш

Хыçалтан

Чукмарпа çапиччен

Пурăнатпăр.

Халлĕхе —

Пурăнатпăр.

Халлĕхе эпир —

Ним те курмастпăр,

Илтместпĕр,

Пĕлместпĕр.

Çĕнĕ комментари хуш