Пĕр тытнă ĕç пымасть пулсан кал-кал...

Николай Теветкел | Сăвă | 477


Пĕр тытнă ĕç пымасть пулсан кал-кал,

тытса чарать иккĕленӳ:

— Тăхтаччĕ!

Мĕскершĕн пултару памарĕ ал?

Хевтӳ тата ăçта кайса пытанчĕ?

 

Сан кăмăлна та ларчĕ тейĕн хĕл:

пăрланчĕ пек хавхалану çăлкуçĕ.

Кăкăрунта хутран-ситрен тĕл-тĕл

касатăн вак:

— Хĕвеллĕ юхăм, уçăл!

 

Пуçла хăватлăн шавласа юхма,

чуптар хумсем эс, пурнăç юханшывĕ!

Анчах чун хĕлĕ тапранасшăн мар,

хăвна ирĕксĕрех туятăн йывăр.

 

Пĕрех пĕр паллă шухăшран ан татăл:

юхать пăр айĕнче те ĕçлĕ Атăл.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: