Кĕт мана

Кĕт мана, кĕт, çĕмĕрт куçлă хĕрĕм,

Сан пата эп пурпĕр çаврăнап.

Ахаль мар калаçаççĕ: «Пурнăç йĕрĕ

Вăл çăка çулçи пек çаврака».

Кĕт мана, кĕт, çĕмĕрт куçлă хĕрĕм,

Çĕнтерӳллĕ пулĕ пирĕн çул.

Тăвăлла кĕрлет халь кунĕн-çĕрĕн

Юлашки хĕрӳллĕ çапăçу.

Эпĕр савнă аслă Совет çĕрĕ

Нихăçан та пулмĕ чурара.

Кĕт мана, кĕт, мăкăнь питлĕ хĕрĕм,

Çĕмĕртсем шап-шурă вăхăтра!..

1942, апрель

Çĕнĕ комментари хуш