Юлашки хут хумхан

Сăвар Эртиван | Сăвă | 1967 | 507


Кăвак шуçăм сар тырă вăраннă пусса

Тăрна куç пек тăп-тăрă, таса сывлăм сапрĕ.

Çуллĕ сăрт хыçĕнчен хĕвел тухрĕ кусса,

Тыр-пула шевлипе типĕнтерчĕ, тасатрĕ.

 

Çил ачи те юлассăн васкарĕ ирех –

Тыр-пулпа пуç тайса сывлăх сунчĕç сăпайлăн.

Тырă пиçрĕ пулсан тухма вăхăт хире.

Тур тихан тулхăрса талпăнать ман комбайн.

 

Шуçăм çурĕ, хĕвел типĕнтерчĕ пулсан,

Сарă тыр, сан çулу тек пӳлме енне мар-ши?

Хăвпа ху киленсе юлашки хут хумхан,

Юлашки хут хумхан, кĕвĕле пурнăç маршĕ.

 

1967, утă-çурла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: