Атăл хĕрĕн юрри

(Юрă)

Йалтăр-йăлтăр хумсем килнĕçемĕн

Пирĕн кимĕ пĕччен чӳхенет.

Кĕсле-купăс, янрат çĕнĕ çемĕ,

Атăл тăрăх салат инçене.

Каçсерен хамăр ял хĕр упраçĕ

Вăйăра юрласа савăнать,

Мăшăрсем кимĕпе ярăнаççĕ,

Манăн çеç эс çукран ăш çунать.

Инçетре эсĕ, ман ăмăрт кайăк,

Тинĕсрен-тинĕсе ярăнан.

Асилен-ши шывра ишнĕ майăн

Ăнсăртран та пулин эс мана?

Час эпир тăрăшса пĕвелетпĕр

Шупашкар патĕнче Атăла,

Тантăшсем сана пурте кĕтетпĕр

Караппа килессе каялла.

Çĕнĕ комментари хуш