Санран ман каçару ыйтмашкăн...

Виталий Станьял | Сăвă | 1957 | 456


Санран ман каçару ыйтмашкăн

Тем чухлĕ пухăнчĕ сăлтав.

Инкӳ чеен кулать: Ан ашкăн.

Пиччӳ куçран калать: Тăхта...

 

Шӳт тунăшăн, выля сăмахшăн,

Юратнăшăн, тĕрĕссипе,

Тата телейĕмĕр юпахшăн

Иксĕмĕре сăмах тивет.

 

Çапла, çынран вăтаннипе эп

Супса çӳретĕп кун каçа,

Унта кайса кунта килетĕп...

Мĕн-ма мана çапмасть аçа!

 

Ытла та хытă вĕт тиркеççĕ,

Тиркекенсен саккун хаяр!

Каçарччĕ, тантăшăм-пикеçĕм,

Ухмах раскалăмшăн каçар...

 

Станекки.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: