Чĕрере
Пысăккине-и е пĕчĕккине —
Мĕнле çурта лартам-ши чиркӳре?
Çурта илетĕп кăмăл тунине,
Чи пысăкки — çунать ман чĕрере.
Ура çинче-ши е чĕркуçленсе
Кĕлтумалла халь манăн кунсерен?
Çӳлти Патшалăха ĕмĕтленсе
Чĕркуçленетĕп эпĕ чĕрере.
Мĕн-мĕн калас-ши манăн ӳкĕнсе?
Мĕнле сăмах тăрать-ши чĕлхемре?
Пин-пин сăмах калас-ши пикенсех?
Тен, виç сăмах çеç çитĕ чĕререн?!
Çилпе вĕçсе саланĕ самантрах
Вĕçсе тухни вылянчăк чĕлхерен.
Ырăлăхлă Турри пăхмасть сăнран —
Мĕн пуррине шырать Вăл чĕрере.
Пысăккине-и е пĕчĕккине —
Мĕнле çурта лартам-ши чиркӳре?
Çурта лартатăп кăмăл тунине,
Чи пысăкки — çунать ман чĕрере!
Çĕнĕ комментари хуш
Шухăшсем
Collaborazione tra scuola e famiglia —...
Why overspend on paid advertising? Our A...
Unlock more targeted leads with our AI! ...
Zivjo! Izboljsaj svojo organizacijo z ...
Παραδοσιακό παστίτσιο στο https://www....
Tip pre kazdeho, kto chce viac efektiv...
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...