Кил

Эй, тем те куртăм, тем те мантăм, —

Чĕре варне вырнаçнă пуль:

Çав кил. Çав пӳрт. Çав пилĕк кантăк.

Кăштах саралнă шурă тюль.

Çунат сарма самант çитет те —

Инçе çул-йĕр тухать ума.

Каймашкăн йӳнĕ те билечĕ, —

Пит хаклă, хаклă таврăнма.

Ăçта пуç чикĕн, мĕн эс тăвăн?

Каç-каç куçа хупса выртсан

Силлет, лăскать чунра çил-тăвăл

Тăван кил еннелле туртса.

Вара пĕтет ура тĕревĕ,

Сисетĕн: япăх ĕç-пуçсем...

Пыма чĕнеççĕ çăлтăр евĕр

Кил маччинчи турат куçсем.

...Таçти ют хулара вăрантăм:

Юхать иккен куçран куççуль.

Çав кил. Çав пӳрт. Çав пилĕк кантăк.

Кăштах саралнă шурă тюль.

Çĕнĕ комментари хуш

lumirevaacademy:
Collaborazione tra scuola e famiglia —...
Mamie Hackett:
Why overspend on paid advertising? Our A...
Moses Bowman:
Unlock more targeted leads with our AI! ...
SISISI:
Zivjo! Izboljsaj svojo organizacijo z ...
thalassatavernagr:
Παραδοσιακό παστίτσιο στο https://www....
skskskskdfkdskfkds:
Tip pre kazdeho, kto chce viac efektiv...
Сидияр :
Аван ...
мария:
кайăксем чăнахта лайăх чĕр - чунсем
Ливерий Андреевич Егоров-больше-вылец:
Çитмĕлсенчен иртсен те, хаш сывлатпăр, А...
Сидияр :
Цикори çинчен ытларах пĕлесшĕннччĕ ...