«Тин чĕрĕлен çанталăк сăнĕпе...»

Тин чĕрĕлен çанталăк сăнĕпе —

Çуркуннепе — сана танлаштаратăп,

Сăн-сăпатна хăпартланса сăнатăп

Илĕртнĕрен таса илемĕпе.

Санра лайăххине кăна куратăп,

Туйса тăратăп яланах ăсна.

Ыр кăмăлна мухтатăп та шанатăп

Кирек хăçан пулăшасса мана.

Кун-çул таппи, ун иксĕлми хавалĕ,

Телейĕм те санра çеç упранать.

Çул иртнĕçемĕн ытларах саватăп,

Чĕре сана, сана çеç йышăнать.

Çĕнĕ комментари хуш