«Юратусăр пурнăç — хĕвелсĕр тĕнче...»

Юратусăр пурнăç — хĕвелсĕр тĕнче,

Юрату вут-хĕм саптăр, тăван, чĕрӳне.

Юратса пурăнаççĕ çынсем ку енче,

Юрату телей кӳтĕр паян кашнине.

Юратусăр пурнăç — чечексĕр уй-хир,

Юрату вăл хушать этеме чăн çунат.

Юратусăр пурнăç — шуçăмсăр ир,

Юрату тупман çын питĕ час аманать.

Юратусăр пурнăç — шывсăр океан,

Юрату упратăр çынсене ялан.

Юратусăр пурнăç — каснă сĕм вăрман,

Юратушăн эпĕ ал çĕклем паян.

Çĕнĕ комментари хуш