Шурсухал, пулăшсам

Качча кайрăм пирвай

Эп кăтра Макара.

Вăл ĕçетчĕ пĕрмай.

Уйрăлтăм-çке аран.

Хушçа юрламалли:

Шурсухал, Шурсухал,

Эс мана пулăшсам.

Ах, мĕнле, ах, мĕнле

Тупас ыр упăшка?

Алă патăм кĕçех

Чакăр куç Çимуна.

Ку вара кĕвĕçсе

Чут илетчĕ чуна.

Кĕртрĕ çĕнĕ пӳртне

Мана Мăн Михала.

Мухтаса хăй мулне

Хуçрĕ ку кăмăла.

Лекрĕ ак Лариван.

Манран хăй аслăрах.

Ун сухалĕ ялан

Тирет чĕрĕп майлах.

Тепринче ав мана

Качча илчĕ Мишша.

Кам юратĕ ăна?

Тек хĕнет чăркăшса.

Çĕнĕ комментари хуш