Ялан эс пĕрле — чĕререх

Иван Чермаков | Сăвă | савни | 527


Ф.

 

Сана çухатсассăн, савниçĕм,

Ман куçăм çухалнă пекех.

Эп суккăр пулсассăн,

Сана курмасассăн

Мĕн-ма пурăнас-ха текех?..

 

Сана çухатсассăн, савниçĕм,

Урасăр эп юлнă пекех.

Урасăр пулсассăн,

Пĕрле утмасассăн

Мĕн-ма пурăнас-ха текех?..

 

Сана çухатсассăн, савниçĕм,

Эп алсăр юлнă пекех.

Алли пулмасассăн,

Хăват юлмасассăн

Мĕн-ма пурăнас-ха текех?..

 

Çук, çук! Çухатмастăп, савниçĕм,

Ялан эс пĕрле — чĕререх:

Эп суккăр пулсан та,

Урасăр юлсан та

Санра вăй тупатăп пĕрех!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: