Килти кайăк-кĕшĕк

Пит хитре килти кăркка —

Кĕлетки ун тăпăлкка.

Анчах хăрать çав Мăркка,

Уйрăлмасть килтен айкка.

Картишĕнчи хура чăх —

Тимлесе халех эс пăх.

Туслашнă сар автанпа,

Кăтиклет хавас саспа.

Вăрăм мăйлă шурă хур

Пирĕн ялта халĕ пур.

Çунат çапса вăл ташлать,

Ӳркенмесĕр хыт сăхать.

Нарт-нарт кăвакал

Ирех анать шыв хĕрне.

— Кӳлле чăмса эс тасал, —

Тет юратса чĕппине.

Çĕнĕ комментари хуш