«Тăван çĕршыв, чăваш чĕлхи...»

Галина Кĕмĕл | Сăвă | Элшел | 518


Тăван çĕршыв, чăваш чĕлхи,

Алран кайми аки-сухи,

Пурте кунта — чи малтанхи,

Чĕрен тĕп мулĕ, чи пахи.

 

Кунта тӳпе те çутăрах,

Хĕртет хĕвелĕ хытăрах.

Хура тăприйĕ кăпăшка,

Çăл куçăн шывĕ йăлтăркка.

 

Кунта юратнă çыннăмсем,

Атте-анне, ман тăвансем,

Кӳршĕсемпе юлташăмсем,

Ял-йышăм манăн — Элшелсем.

 

Ытарайми чăвашăмсем,

Сăпайлă, ырă ĕçченсем.

Çĕр пин юрри, çĕр пин тĕрри,

Сим пыл пекех чăваш сăри.

 

Чăваш сăмахĕ — чун ăшши,

Йăли-йĕрки, чăваш ташши,

Кашни çăка, кашни йăмра —

Ĕмĕрлĕхех ман халăхра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: