Пуç çаврăнни…
«Ан шавла-ха, хĕрĕм, пуçăм çаврăнать», —
Тет мана аннеçĕм, хăй куçран пăхать.
Ăнланмастăп эпĕ унăн сăмахне —
Вырăнтах-çке пуçĕ, çаврăнмасть ним те.
«Мĕншĕн эс шӳтлетĕн çакнашкал, анне?
Эп пачах курмастăп пуç çаврăннине.
Тен, манран кулатăн ку айван тесе?» —
Куçĕнчен пăхатăп лăпкăн тĕсесе.
«Эс, чăнах та, хĕрĕм, айванрах-çке ман.
Пуç çаврăннине те халиччен курман.
Итлесемччĕ, хĕрĕм, санăн ĕмĕрне
Курмалла ан пултăр вăл çаврăннине».
Чăнахах та эсĕ пуç çаврăннине
Кăтартасшăн мар-тăк хăв ачусене,
Эпĕ тĕшмĕртетĕп чирĕн хăватне.
Юрĕ, шавламастăп, çывăрах, анне.
Çĕнĕ комментари хуш
Шухăшсем
Watch this if you are struggling to get ...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...