Аннеçĕм чĕлхи

Кăн-кăвак тӳпере

Юр юрлать тăр тăри.

Кăмăл уçă, таса.

Ку аннеçĕм чĕлхи

Ак çырма, ак валак.

Ĕмĕрхи çăл куçсем.

Сиплĕ янкăр сасси —

Ман аннеçĕм чĕлхи.

Инçетри вăрманта

Авăтать ав куккук.

Тунсăх пуснă чуне.

Ку аннеçĕм чĕлхи.

Техĕм çăкăр шăрши —

Пиçнĕ тырă пусси.

Ăшă çил варкăшни.

Ман аннеçĕм чĕлхи.

Çĕр çинче сас нумай

Пурте çывăх, паллах.

Анчах чи çывăххи —

Ман аннеçĕм чĕлхи

Çĕнĕ комментари хуш