«Ĕçсе те вăрласа йăпанакан çĕршывăм...»

Ĕçсе те вăрласа йăпанакан çĕршывăм,

Сăнна-пуçна çухатрăн вĕт, çершывăм?

Маçак-мамак пилне ăша илмесĕр

Таçти ăçтиçука итлетĕн эсĕ,

Айван çĕршывăм!

Татса та сутăнса пайланакан çĕршывăм,

Вăрă-хурах çаратрĕ вĕт, çĕршывăм?

Ырра та усала картма пĕлмесĕр,

Тĕнсе те минресе арпашрăн эсĕ,

Тăмсай çĕршывăм!

Енчен енне çапăнакан çĕршывăм,

Тĕлĕксемпе аташрăн вĕт, çĕршывăм?

Суя сăмахсене чухла пĕлмесĕр

Ачусене вута чикетĕн эсĕ,

Ухмах çĕршывăм!

1995, кăрлач, 1.

Шупашкар.

Çĕнĕ комментари хуш