«Чăваш пикисене телей сунатăп...»

Юхма Мишши | Сăвă | 2007 | 385


Чăваш пикисене телей сунатăп,

Амаçынсен несĕлĕнчен вĕсем.

Вĕсен илемĕн вутĕнче çунатăп,

Вĕсем пур чух телейлĕ ман кунсем.

 

Вĕсем пуласлăха кĕпер хываççĕ,

Унта чĕнсе юратнă халăха.

Чăвашлăх тĕнчине упраççĕ,

Асамлă çӳпçине хураççĕ пурлăха.

 

Чăваш пикисенче пуласлăх.

Хĕвел палли куратăп вĕсенче.

Вĕсен куçĕсенчи хаваслăх —

Телей палли кашнин чун-чĕринче.

 

04.05.2007

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: