Çӳреттĕм эпĕ те ирĕккĕн...

Виталий Станьял | Сăвă | 1978 | 620


Чĕвĕл чĕкеç пек кĕвĕллĕ

Сывпуллашу, калаçу.

Çамрăклăх савăк ĕмĕтлĕ,

Савăксăр çамрăклăх çук.

 

Кăлтăртăк-кăлтăртăк-кăлтăртăк,

Кăлтăртатать кустăрма...

Кăмăл хаваслăхне хăвăрттăн

Пуйăс васкать пусăртма.

 

Эпĕ те ирĕклĕ йĕкĕтчĕ,

Манăн та пурччĕ çунат.

Тĕтĕм те сĕрĕм пĕлĕчĕ

Татрĕ çӳрес çула.

 

Касрĕ суха та юпăнчă

Çил урхамахăма.

Мăн Çĕнтерӳ кăна юлчĕ-тăр

Чун ăшшине хăпартма.

 

Çӳрĕттĕм эпĕ те çулăмлă —

Темĕн хĕсет кăкăра:

Манăн хаваслăхпа çуммăнлă

Вăрçă суранĕ тăрать.

 

Кăлтăртăк-кăлтăртăк-кăлтăртăк,

Кăлтăртатать кустăрма

Эп ăсатмашкăн çеç юлнă-тăр,

Тен, асăнса пурăнма.

 

1978, ака, 28.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: