«Юхать Хырла, юхать Пăла...»

Александр Аксара

Юхать Хырла, юхать Пăла,

Юхаççĕ Ункăпа Кĕтне...

Чăвашлăх пур, чăваш пулать,

Памастпăр чăваша пĕтме.

Пурнать Еншик, ӳсет Нăрваш,

Чечексĕр мар-ха ешĕл вар.

Хăватланать анат чăваш,

Хăв Улăп пултăн, Туливар!

Тавах, вăртахăм! Çак шăпа

Яш чух картнипеле пĕр тан.

Çул тилхепи сана — шăпах,

Тасалчĕ Ту шуçлак пăртан.

1998, чӳк, 28.

Чăваш педуниверситечĕ.

Çĕнĕ комментари хуш