«Çурхи ăш каçсенче тӳпе пит капăр...»

Алексей Аттил | Сăвă | 278


Çурхи ăш каçсенче тӳпе пит капăр,

çăлтăрсемле тем çырнă ун çине.

Тĕнче ал пуснă ылтăнпа, курсамăр, —

хуркайăк çулĕ пек,

енчен енне.

 

«Часрах килсем курманнине курмашкăн», —

тĕнче паллисене ăшра вулап.

 

Çĕрле тӳпе путевка евĕр маншăн, —

тухмашкăн

йывăр, çăлтăрлă çула.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: