Электронлă вулавăш

1. Йăлтăртатать хĕвел, йăлтăртатать хĕвел,

Шевлисене сапать вăл таврана.

Сарă хĕвел пĕрчи, сарă хĕвел çулçи

Йăлтăравне паратăн эс мана.

Хушлав: Телейлĕ пул, савни,

Телейлĕ пул, савни,

Хĕвел илемĕ саншăн сапăнать! (2 хут)

2. Хавасланать тĕнче, хавасланать тĕнче,

Хаваслăхне ярать вăл таврана.

Çутă тĕнче шевли, çутă тĕнче хевти

Пекех эс туйăнатăн халь мана.

Хушлав: Телейлĕ пул, савни,

Телейлĕ пул, савни,

Тĕнче чипере саншăн çăврăнать! (2 хут)

3. Çутă хĕвел шевли, çутă тĕнче тĕвви

Пиллет тулли кунçул савакана.

Умра мĕн пуласси, эпир мĕн тупасси

Килет санпа иксĕмĕртен кăна.

Хушлав: Телейлĕ пул, савни,

Телейлĕ пул, савни,

Эсĕ телейлĕ чух чун савăнать.