«Пелепейпе Слакпуç хушши...»

«Урал сасси» тĕп терменне

Юрии Михайлова

Пелепейпе Слакпуç хушши

Сана курсан аса килет.

Çарран, хавас, ăшши-пăшши

Хăвалăттăм унти çиле.

Хăвалăттăм шарлак шыва

Чултан чула ура тапса.

Вашам та тикĕс сăрт-тăва

Анса хăпарăттăм чупсах.

Тек пулмĕ яш чухнехилле

Реххетленсе юп курасси.

Пăртта-Ухсай çĕршывĕнче

Ыталанса хуп туртасси.

Сана курсассăн, Юртăкан,

Чунра янрать Урал сасси.

Эс маншăн Пушкăртри тăван,

Пелепейри Чăвашкасси.

Çĕнĕ комментари хуш