«Кĕпер çине кĕтсе илмешкĕн...»

Тимĕрçĕ Кермăнне

Кĕпер çине кĕтсе илмешкĕн

Тухакана шансассăн чун

Тăван пулмасть хавшак-çӳплешкĕ,

Вăй-хал та вутлă пулĕ ун.

Вĕренĕ вăл тĕнче виçмешкĕн —

Хăть çап аçа, хăть çумăр çу!

Çитес çĕре часах çитесшĕн

Тапса вылянĕ чăрсăр юн.

Тĕл пултăмăр та, чун пиллешшĕ! —

Яри çуталчĕ ăмăр кун!

1961, юпа, 1.

Урмаел — Шурут, Каçал,

Мунтайкинсем патĕнче.

Çĕнĕ комментари хуш