Пӳлĕхçĕм!

Анатолий Ырьят | Сăвă | 314


Пит шалкăм1 пурнăç,

Ăçта пăх - пăрăнăç.

Çĕрлехи пек тĕттĕм,

Куçа çиет тĕтĕм.

 

Ăçта Хĕвел? Уйăх?

Хуçаланать Хуйăх.

Шăпчăк та сас памасть,

Тăри те юрламасть.

 

Вилĕм çеç алхасать,

Вăл — тутă, вăл — касать...

Пӳлĕхçĕм! Пӳлĕхçĕм!

Ав, тӳпере — Çиçĕм!

 

Çутат! Çутат, Ĕмĕт!

Атту пĕтетпĕр вĕт!..

 
1 канăçсăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: