Тепĕр сонет

Г. Юмарта

Эп сан патна çырса туя пуçларăм:

«Мĕн тес?», «Мĕн тăвăн?» тетĕп час-часах.

Мĕн тăвăн? — Тăвасса эп тукаларăм,

Тăваймăп тек е тумăп — хăвăртах.

Эдгар¹ каларăш, эп пĕр ту сăнарăм,

Ялтрать çав ту çинче хăруш сăмах:

«Désespoir»² — ак французла каларăм.

Мĕн тăвăн? — чăвашла — калас çуках.

Музыкăраччĕ чун! Анчах мĕн евĕр

Ӳсет таçта та Çĕрĕклĕх сĕрлевĕ,

Иртĕхӳ çеç — ăс ĕçĕ вырăнне.

Çапах — ик-виçĕ çутă эп куратăп,

Эп — çав шутра — тĕттĕмлĕхре сăнатăп

Сан сăнарун ыр халлă çутине.

¹ Эдгар По
² хранстусла «шанчăк йăлтах пĕтни» пĕлтерет

Çĕнĕ комментари хуш