Телей сунни

Курас килсен чăн-чăн телей —

Ăшра-пуçра эс кӳр тирпей:

Пĕр хушăн çеç хыпса ан çун;

Чап çĕклеме ан сар хăлаç;

Йышпа пĕрле кур ырă кун,

Ан тар йышран инкеклĕ каç.

Çунатлă туйăм саламне

Çитер часрах савни патне.

Тутланĕ саншăн хĕр тути,

Анчах ан пул ху армути.

Ан кас тăшманшăн хăпарту,

Курка ĕç туслăхшăн тĕппин.

Малтан çынна телейлĕ ту —

Телейлĕ пулăн эсĕ тин.

Çĕнĕ комментари хуш