Кам халь эсĕ, эпĕ кам?

Хуравне ăçтан тупам?

Ĕмĕр кĕтнĕ тĕлпулу,

Ăнланманлăх, уйрăлу...

Кам халь эсĕ, эпĕ кам?

Тен, эс — çĕр, эпĕ — утрав...

Уйăрать пире шыв-шур.

Шыв — куççуль, асап, хĕн-хур.

Кам халь эсĕ, эпĕ кам?

Тен, карап — эс, эп — çыран...

Шав ишетĕн малалла,

Çаврăнмастăн каялла.

Кам халь эсĕ, эпĕ кам?

Тен, хĕвел — эс, эп — тумлам...

Пит пăхсассăн тĕсесе

Çухалатăп именсе.

Кам халь эсĕ, эпĕ кам?

Çĕтрĕ манăн ăш салам —

Çитеймерĕ сан патна,

Вăратмарĕ куллуна.

Çĕнĕ комментари хуш