«Сарă чечек, ай, пулса…»

Ольга Австрийская | Сăвă | чечек | 538


Сарă чечек, ай, пулса

Лартăм çилпе тайăлса.

Тинкертĕм çӳл тӳпене,

Туртăнтăм хĕвел патне.

 

Анчах ĕмĕт инçе çав.

Вĕлкĕштерсен те ялав

Шевле мана курмарĕ,

Çинçе пĕве савмарĕ.

 

Сарĕ кайăк, ай, пулса

Юр юрларăм савăнса.

Шантăм хĕвел илтессе,

Кун-çулăма пиллессе.

 

Анчах сив çил сассăма

Салатрĕ ют таврана.

Хĕвел юрра илтмерĕ,

Эп кĕтнине пĕлмерĕ.

 

Сарă пике, ай, пулса

Саврăм ăна парăнса.

Мантăм йăлт, кунне-çĕрне…

Сĕнтĕм чунăн туйăмне.

 

Анчах суя çулпала

Чуптартăм кун-сулăма.

Савнă тусăм савмарĕ,

Урăххине куçларĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: