«Ҫумӑр ҫӑвӗ-ҫӑвӗ-ҫӑвӗ те — чарӑнӗ…»

Марина Карягина | Сăвă | 553


Çумăр çăвĕ-çăвĕ-çăвĕ те — чарăнĕ.

Эс мана каллех килме çăмах парăн-и?

Ку ман чи телейлĕ талăк-шим?.. Çакă-и? —

Уйăх та, ухмахланса, вăрттăн çакăнĕ!

 

Чи телейлĕ кунăм-та… — темшĕн савăк эп:

Сан ятна та тĕрĕс мар, кутăн чĕнĕттĕм.

Тен, ку чи телейли мар — сисĕм талăкĕ,

Юрату керменĕ мар — ку ун çенĕкĕ?!

 

Куллунта чăнкăртатать хурлă савăнăç.

Калаçни юри сан, ирĕксĕр, тетĕн-и?

Малашне те йывăçсем çилсĕр авăнĕç,

Тен, хуман кăвайтăн та тухĕ тĕтĕмĕ.

Пӳрне витĕр пăхăп та —

шăппăн тунсăхлăп...

 

……………………

Çумăр çăвĕ-çăвĕ-çăвĕ — чарăнĕ…

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: