Электронлă вулавăш

Мĕскер пулнă Сантăра? —

Макăрать уçланкăра.

Пиччĕшне чĕнет:

— Пи-и-чче-е-е!

Янăрать вăрман:

«Пи-и-чче-е-е!»

Çырлара пиччĕшĕнчен

Çĕтсе юлнă вăл пĕччен.

Çил килет те Сантăра:

— Ан хăра, —

Тет, —

Ан хăра.

— Хăрамасăр!

Çывăхрах

Пат! ӳкет турат çĕре.

Çулçă чаштăр тусанах

Чарăнать тапма чĕре.

Хĕвел хурăн тăрринчен

Анчĕ шĕшкĕлĕх çине,

Шăппăн тĕмĕ хыçĕнчен

Тилĕ тухрĕ ун умне.

— Пĕчĕк тусăм, Ан хурлан.

Ма йĕрсе куçна пăсан?

Кĕç килет пиччӳ. Унччен

Çул хĕрне тухса ларар.

Хам та ыртăм çырлара, —

Вăл йăпатрĕ Сантăра

Лăпкаса çурăмĕнчен.

Тухса ларчĕç çул хĕрне —

Пысăк тунката çине.

Тилĕ лăпкăн юптарса

Тĕрлĕрен юмах калать.

Куçне мăч та мăч хупса

Сантăр тутлăн анаслать.

— Юмах пĕтмĕ.

Кăшт канар, —

Терĕç,

Выртрĕç юнашар.

Ыйхă пусрĕ Сантăра —

Сантăр путрĕ ыйăха.

Сас илтсессĕн çывăхра

Тилĕ чăмрĕ чăтлăха.

Çырларан килекенсем

Асăрхарĕç Сантăра,

Тăчĕç тунката тавра.

— Кам ку? — теççĕ.

— Хăш ялсем?

Тен, вăл хамăр патрисем?

Пысăк тунката çинче

Сантăр канлĕн çывăрать.

Пĕчĕк çӳхе тутинче

Ăшă кулă палăрать.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн