«Чăххинчен иртеймен Автана…»

Мальвина Петрова | Сăвă | 630


Чăххинчен иртеймен Автана

Пĕр-пĕр кун яраççех яшкана...

Çăмарта йăтакан ушкăна

Чуптарсан та çӳле хăтана

Нумаях тытăнса тăрас çук.

 

Те пусса1 çитермен вăхăтра:

Тем тесен те Автан катăкрах;

Чăнахах ӳстермен пуль хăтра2 —

Тăранма пĕлмесле, хăвăртрах

Çăмарта пуçтарать майлă чух.

 

Каштаран каçайман Автана

Пĕлсе çитнĕ пускил те тавра:

Пухнине пĕтĕмпех сутăна

Кăларать тăхтамасăр: «Ара,

Ĕмрипех çакăнта пурнас çук...»

 

Тĕкне май кунран-кун шăлакан,

Ăйхипе3 вылякан Чăхăпа

Кăт-кăтик! Кăт-кăтик юрлакан

Автана тиветех çак шăпа —

Авăтман автанран усă çук.

 
1 Пус — çăмарта ту
2 Хăт — хăтлăх
3 Ăйхă — чăххăн кут ани

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем