«Йăлтăр-ялтăр капăр çурт…»

Мальвина Петрова | Сăвă | 636


Йăлтăр-ялтăр капăр çурт;

Капăр çуртăн çĕр-çĕр хут;

Çĕр хутра пин тĕрлĕ Хурт;

Шĕкĕлчеççĕ пин-пин хут;

 

Пин хутра пин-пин расхут —

Вĕç-хĕрне шыра та туп.

Саплашмасть пулсан — прихут

Çыр та хур, шайла та хуп!

 

Яп-яка, таса, çап-çут —

Пĕр пăхсассăн кăлтăк çук!

Тытăнсан тумашкăн сут —

"Хам туман, тултарнă çум"

 

Çумăн вунă çумĕ пур...

Ĕненместĕн? Кай та кур!

Çутăр çумăр, çутăр юр —

Кунтисем курмаççĕ хур.

 

Ир те, каç та, яра кун —

Çакăнта çапла саккун:

Илтмĕш-курмăш пул, ан тун;

Ман: мĕн "ăс" вăл, мĕн вăл "чун".

 

...Хурт-кăпшанкăллă кантур

Таврара татах та пур...

Ĕненместĕн? Пăх та кур:

Суясран сыхлатăр Тур.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: