Салам, Микулай!

Анатолий Васильев | Сăвă | 966


Н.П. Артюкова

 

Çуралнă кун

савăнтарать,

пĕчĕк кăна

уяв парать.

Çĕнĕ çул пек

ăна кĕтеççĕ,

эрехне те

кăштах ĕçеççĕ.

 

Çак икĕ кун

уяв чăнах та

(ман шухăш

урăхла çапах та) –

çамрăк чухне

эпир курмастпăр,

çулсем иртнисене

туймастпăр.

 

Çулсем вĕçме те

пултараççĕ,

тĕрĕссипе –

ватăлтараççĕ.

Пĕрре те

ку савăнтармасть,

шăмшака

çăмăллатмасть.

 

Ик кунĕпе те

саламлатăп,

çав кунтах

юлма сунатăп –

ку хамăн

«фирменнăй» салам –

тата вара

канаш парам.

 

Уяв пек пулччăр

вăл кунсем,

ан тытчăр

сана вĕсем.

– Тепĕр çул

иртрĕ, – тесе

ан шутла

эс çиленсе.

 

Санăн çуралнă

кунне

(кашни çул вăл,

кĕркунне) –

эпĕ, Микулай,

манман,

саламне

кăна яман.

 

Эс ăна

хăвах пĕлетĕн,

ху та пурне те

сĕнетĕн –

«ыранхи –

ватăлтарать,

паян –

çăмăллăх парать».

 

Вара,

паянлăхрах юл!

Мĕн вăл,

утмăл çичĕ çул!?

Пурăн хĕрĕх

çул манпа,

савăнса

кашни кунпа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: