Нумай усă тăван эс...

Нумай усă тăван эс,

Хура, хăруш çанталăк!

Мĕнле чĕре çемçемест!..

Чăнах та эс — рай алăк.

Эсĕ çиçĕм кăларсан,

Алă хĕрес хăй хывать;

Эсĕ папай алтарсан,

Тута хăех кĕл тăвать.

Эсĕ аçа çаптарсан,

Чĕре Турра асăнать!

Çанталăк пит шăп тăрсан,

Этем Турра час манать.

Тата пушшă хуралăр,

Хура, хăруш пĕлĕтсем!

Çын чĕрине хускатăр:

Чартăр усал ĕмĕтсем.

Çĕнĕ комментари хуш