Reklamo

Аçтахар Плотников: Тинех пур хайлава та хакласа тухрӑм

Аçтахар Плотников25.11.2010 11:053633 Пурĕ пăхнă

Кӑҫалхи литература ӑмӑртӑвӗ малтанхисемпе танлаштарсан уйрӑлса тӑрать — вӗренӳ министерстви хутшӑнманнине палӑртмӑпӑр. Кӑҫалхи ӑмӑртӑва 140 хайлав хутшӑнать. 2008 ҫулхине 120 яхӑн килнӗччӗ, пӗлтӗрхине — самай сахалтарах. Кӑҫалхинче эпир 1-5 классене хутшӑнтармарӑмар (вӗсене хаклама питӗ йывӑр — хӑшне ашшӗ-амӑшӗ ҫырнӑ, хӑшне ачи хӑй ҫырнине уйӑрса илме питӗ йывӑр) пулин те хайлавсем ытларах килчӗҫ. Аслӑрах классенчи ачасем нумайрах хутшӑнни те савӑнтарать пире.
140 хайлав пулнӑран ӑмӑрту йӗрки-шывне пӑсса ушкӑнсене урӑхларах йӗркелерӗмӗр: 6-7, 8-9, 10-11, вӗрентекенсем. Пӗр студент хутшӑнчӗ, ун ӗҫне вӗрентекенсемпе тан хаклас терӗмӗр.
Хальхи вӑхӑтра эп хам енчен пур хайлава та хакласа тухрӑм — 140 хушшинче вырӑн йышӑнма тивӗҫлисене суйласа тухрӑм. 8-9, 10-11 тата вӗрентекенсен ушкӑнӗсенче вырӑнсене те палӑртрӑм (хальлӗхе сирӗншӗн вӑртӑнлӑх пултӑр — раштавӑн 1-мӗшӗнче пӗлтерӗпӗр). 8-9 классенчи прозӑра вырӑнсем пама питӗ йывӑр пулчӗ — нумай шухӑшлама тиврӗ. Чӑн та тивӗҫлисене уйӑртӑм тесе шутлас килет. 6-7 классенчи ӗҫсенче вара тата та йывӑртарах килет пулӗ. Анчах та пурне те вырӑн пама ҫук...
Чӑн та тивӗҫлӗ шайра ҫырнӑ хайлавсене вара кӑҫал урӑхларах хавхалантарас тетӗп-ха — вырӑн лекмесен те ҫак ӑмӑртури пичете юрӑхлӑ хайлавсене ман шутпа пурне те кӗнекен кӑлармалла.

Мӗнех, раштавӑн 1-мӗшӗ инҫе мар — эрне те ҫук. Кама вырӑн лекнине пӗлме чӑтайратӑр пулӗ теп. :)

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (3)]

Komentoj:

Алекс // 1272.95.6527 2010.11.28 20:24
	Калăр ĕнтĕ, кам вырăнсем йышăннине!
Ф.А.Р // 1272.95.6527 2010.11.28 20:25
	Манне хакламан..
Аçтахар Плотников // 2134.37.6306 2010.11.28 20:31
	Пурне те хакланă. Комментарине пуринне те çырман. Ăмăрту йĕрки-шывĕ (положенийĕ) тăрăх пирĕн раштавăн 1-мĕшĕнче пĕтĕмлетмелле. Çав кун пĕлтерĕпĕр те.