Reklamo

Аçтахар Плотников: Путин президента таврӑнни лайӑх-и? Лайӑх.

Аçтахар Плотников24.09.2011 20:4522531 Пурĕ пăхнă

Паян тинех 2012 ҫулта кам президента ларасси паллӑ пулчӗ. Путин иккен. Ӑнсӑртран кӗмсӗрт пулмарӗ, паллах — политикӑпа интересленекенсем кун пирки тахҫанах чухланӑ. Ара, хӑвӑрах пӑхӑр: Путин вӑхӑтӗнче нимле премьер ӗҫне те президентпа тан ҫутатман. Правительство ҫуртне куҫнӑ самант та питӗ кӑтартуллӑччӗ — вӑл унта патша пек вырнаҫрӗ. Ман шутпа президентлӑх ҫулне ӳстерни те Путиншӑнах, вӑл тепӗр вуникӗ ҫул лармалӑх.
Путин президента таврӑнни лайӑх-и? Лайӑх. Мӗншӗн? Ку пулӑм ман шутпа халӑха вӑратма лайӑхрах пулӑшӗ. Влаҫри ҫынсен юмах-халапне (патшалӑхри вӑтам ӗҫ укҫи 30 пине ҫитесси пиркиех мӗне тӑрать!) итлесе киленекенсем тинех ман шутпа вӑранӗҫ — оппозици йышӗ пысӑкланӗ. Хальхи пек «ик айкки те тӑвайкки» тесе пурӑнакансем те шухӑшла пуҫлӗҫ — ӑҫталла кайни пирки, пуласлӑх пирки.
Чӑваш халӑхӗшӗн те вӑл лайӑх. Влаҫра пӗр ҫынсем тӑни вӑл аталанӑва самай чакарать — патшалӑх ыттисенчен юлма тытӑнать. Арканас туртӑм та ун пысӑкрах. Уйрӑмах пирӗнешкел «полици тытӑмлӑ патшалӑхра» (мӗн чухлӗ ытларах хӗсеҫҫӗ — ҫавӑн чухлӗ ытларах хирӗҫлес килет). Пирӗн ҫӑвар карса лармалла мар ҫеҫ — тӑван халӑх валли ҫул тупмалла, ӑна вӗҫертмелле мар.

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (44)]

Çавăн пекех

2024.06.19

О коррупции

Анатолий Кипеч

Komentoj:

Аттила // 1874.18.3595 2011.09.28 00:39
	Конституцине пите хирĕç..Путин пулни юрĕ-ха анчах та ун хыçĕнче Петĕр хулин вăрă-хура шуйтанесем,чиновникесем тăраççĕ..Пĕтĕм влаçа вĕсем ярса тытрĕç..халăха пусмăрлаççĕ.Путин пулсан малта вăйлă вăрçăсем пулаççĕ тен тата Грузипе(унта НАТО та кресе кайса пулашма пултарать),Кавказпа(ислам джихаче тата вăйлăланса пырать-ха)..
Лидия Шурзьол(Мавлютова) // 4115.41.6074 2011.09.30 20:57
	Ман шутпа Путин президентран тухманпа пĕрех.Вăл пур пурнăç йĕркине хăех ертсе пынă пек. Суйлав вăхăчĕ кĕтсе тăнă тейĕн.Медведевпа калаçса татăлнă пулĕ те,влаçа пĕлнĕ пĕлмен çынна париччен, хăйсен аллисенче упраса хăварнă пулĕ? Эсир мĕнле шутлатăр? Мана вĕсем иккĕшĕ те килĕшеççĕ.
Аксар Чунтупай // 4134.00.6798 2011.10.01 14:50
	Лайăх çын (Мана вĕсем иккĕшĕ те килĕшеççĕ)тенипе вакка та сикме пулать. Халăха мĕн парĕ, çĕршыв мĕнле пулĕ малашне, усси пулĕ-и унран - çавна пăхмалла... Çĕршыв коррупципе витĕннĕ... Апла пулсан РАççейрен нимĕн те юлмĕ. Общесвовед-политиксем каланă тăрăх, тепĕр 50 çултан çĕр çинче 2 хут ытларах ирĕклĕ патшалăх пулмалла...
Владимир // 6054.0.4608 2011.10.01 23:34
	Лайăх.Админпа килĕшетĕп. "Ни один диктатор не уйдет добровольно"-çак сăмахсем аса килеççĕ. Путин чăн та кам пулнине тин ăнланма тытăнĕç пулас.
Тайр // 5574.4.5423 2011.10.01 23:55
	Авалхи грексем каланă:"Каждый народ достоин своего покровителя". Е Позднер калашле:"Такие времена" .Тепĕр 50 çултан тен ирĕке тухăпăр.
Тайр // 5574.4.5423 2011.10.01 23:58
	Анчах,поэт калашле:;...жаль в ту прекрасную пору жить не придется ни мне ни тебе."
Атл // 4046.07.8655 2011.10.02 04:04
	Хальхи пек ташă ташласан пулать - и чăваш ун чух Çĕр çинче?
Акулина // 3512.44.5642 2011.10.02 17:55
	Мĕншĕн Путин кпллех президента ларассишĕн тапаçланать? Путин мана килĕшет пулсан та вăл кун пек хăтланни килĕшсех каймасть. Унран маттуртарах çынсем çук-и вара çĕршыва ертсе пыма? Е вăл хăйне çеç пултаруллă çын тесе шутлать? Тĕнчере ун пек темиçе срок президентра ларнисем тата нумай-ши?
Володя // 2523.98.8800 2011.10.05 14:28
	Акулина "Тĕнчере ун пек темиçе срок президентра ларнисем тата нумай-ши? " Пайтах. США-ри Рузвельт кăна мĕне тăрать.
ВОЛ // 2523.98.8800 2011.10.05 14:33
	США-ра Рузвельт президента виçĕ срок ĕçленĕ