Ҫынсенчен пысӑк пайӗ хӑйӗн профессине чунтан юратманнине кура ӗҫе чӑтма пултараймасть иккен. Гэллап институт Америкӑри ӗҫ рынокне тишкернӗ те, ӗҫлекенсен 30 проценчӗ кӑна хӑй тивӗҫне кӑсӑкланса пурнӑҫланине ӑнланса илнӗ. Пирӗн патра урӑхла теме кирлӗ мар. Пур ҫӗрте те ҫынсем ӗҫлеҫҫӗ. Ҫавӑнпа та пуҫлӑхсен ертӳҫӗсене кирлӗ ҫичӗ енне пӗлмеллех:

1. Пултаруллӑ ертӳҫӗ хӑйӗн ушкӑнне парӑнса тӑрать. Унӑн хӑйӗн ӗҫченӗсене хисеплемелле тата вӗсемшӗн тӑрӑшмалла. Кӑмӑллӑ ӗҫченсем клиентсене те кӑмӑллӑ тӑваҫҫӗ.

2. Пултаруллӑ ертӳҫӗ коллектива ӑнланмалла, конкрентлӑ, спецификӑлла хушусем парать. Ӗҫченсенчен чылайӑшӗшӗн, аслӑраххисемшӗн уйрӑмах, ӗҫ укҫи кӑна тӳлени ҫителӗксӗр: вӗсен хӑйсене хакланине туяс килет.

3. Пултаруллӑ ертӳҫӗшӗн шухӑш-ӗмӗте пурнӑҫа кӗртесси тупӑшран маларах вырӑн йышӑнать. Ун пек пуҫлӑх укҫа-тенке вӑл е ку идейӑна пурнӑҫа кӗртсен ӗҫлесе илме май килнине ӑнланать.

4. Пултаруллӑ ертӳҫӗ асра юлмалли кӑсӑклӑ историсем каласа кӑтартать, вӗсене пурнӑҫа кӗртет. Кӗскен тата ансат чӗлхепе ӑнлантарни те питӗ пӗлтерӗшлӗ.

5. Пултаруллӑ ертӳҫӗ хирӗҫле реакцие кӗтет. Хӑйӗн ӗҫченӗсене вӑл тӗрӗссине калама ыйтать. Вӗсене итлесе вӑл вӗсене мӗн кирлине туса парать.

6. Пултаруллӑ ертӳҫӗ ҫынна шаннине палӑртать. Вӗсен вӑйне, пултарулӑхне ӗненнине кӑтартать.

7. Пултаруллӑ ертӳҫӗ ҫынсене ырлама тата хавхалантарма пӗлет. Мухтасан ҫын ҫунат хушать те малалла ӑнтӑлать, хурласан унӑн алли усӑнать.

http://hr-portal.ru/article/7-sposo ... olyubit-svoyu-rabotu