НЬЮТОН МОНОЛОГӖ

Ларать хускалмасӑр сӗтелӗм ҫинче

Черныл усракан тӗксӗмрех кӗленче.

Мӗнпур вӑйсем-ҫке шайлашнӑ, сӑна,

Епле асӑрхаймӑпар эпӗр ҫакна?

Енчен, кӗленче хускалтӑр тесен,

Тӗртетӗп ӑна кӑшт ҫеҫ айккинчен.

Кашни япала тапранмӗ нихҫан

Е куҫӗ пӗр хӑвӑртлӑхпа вӑл ялан —

Ӑна тивекен вӑйсем шайлашсан.

Калатпӑр хӑвӑртлӑх улшӑннине

Леш "хӑвӑртлану" ятпа ку чухне.

Халь пирӗн ӑшра пӗр шухӑш шӑвать:

Мӗскершӗн-ши хӑвӑртлӑх шав улшӑнать?

Сӑлтавӗ ун — вӑй-ха. Пирӗн, паллах,

Тата тӗрӗсрех ҫыхӑну тупмалла.

Ара, яланах, Галилей калашле,

Май пур-тӑк, хуть те мӗне виҫмелле,

Май ҫук-тӑк виҫме — виҫеес темелле!

Нихҫан та вӑйсем пулмаҫҫӗ пӗччен —

Ҫапла йӗркеленнӗ ӑслайӗ тӗнчен.

Ак, калӑпӑр, вӗҫӗмсӗр хӑйӗн патне

Туртать Ҫӗр чӑмӑрӗ панулмине.

Ҫапах та асрах тыт тепӗр енне:

Ан ман панулми те Ҫӗре туртнине.

Хӑш вӑй пысӑкрах-ши? Тен, Ҫӗр "вӑйлӑрах"?

Вӑртахӑм, тархасшӑн, апла ан шутлах:

Вӑйсем хире-хирӗҫ, анчах пӗртанах.