Reklamo

Аçтахар Плотников: «Капкӑн» та лайӑхланнӑ

Аçтахар Плотников31.01.2010 11:173779 Пурĕ пăхнă

Ӗнер кӑҫалхи «Капкӑнӑн» пӗрремӗш кӑларӑмне илтӗм. Хӑшӗ-пӗри ӑна алла маларах та илнӗ пулӗ (ҫынсен аллинче ытларикунах курнӑччӗ) — «Чӑвашпичет» киоскне вара ӗнер ҫеҫ ҫитнӗ.
Мӗнех, кӑштах лайӑхланнӑ. Мана ку журналта уйрӑмах анекдотсен куҫӑрӑвӗсем килӗшместчӗҫ. «Пире каять» тесе куҫӑрнӑ пек туйӑнатчӗ. Анекдочӗсене тӳрреммӗн, чӑваш шухӑшлавне тӗпе хумасӑр куҫарнӑран хӑш-пӗрисене ӑнланма та май ҫуккӑччӗ. Ара, эпир вырӑс чӗлхине те пӗлетпӗр-ҫке! Куҫаран вара анекдотне — ун хыҫҫӑн тин мӗнрен кулмалли сисӗнме тытӑнать. Пулса тухать вара — тексчӗ чӑвашла пулин те ӑна вырӑсла вуламалла иккен.
2010 ҫулхи кӑрлач уйӑхӗнчи кӑларӑм вара ку енӗпе улшӑнса тӑрать. Кулӑшӗсене вуласа ӑнланмашкӑн вырӑсла куҫарма кирлӗ мар.

//ку номерӗ 1500-мӗш. Юбилейлискер. Тен, ҫавӑнпа вӗсем ӑна кӑлармашкӑн лайӑхрах тӑрӑшнӑ? Нарӑсӑнне пӑхӑп-ха кайран.
//ҫитменлӗхсем пачах та ҫук мар теесшӗн мар эпӗ. Вӗсенчен пӗри — кӑларӑмӑн вӗҫӗнчи страницинче календарь тӑрне 6 тигра ӳкерсе хуни. «Хресчен сасси» издательство ҫурчӗ кӑларакан хаҫат-журналта чӑвашлӑх ҫине таянни сисӗнмест ҫав. Чӑвашлӑх туйӑнтӑр тесен 7-мӗшне ӳкерсе хумаллах пулнӑ пулӗ?

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton]