Павел Васильев


Павел Васильевич Васильев 1931 çулхи кăрлачăн 20-мĕшĕнче Толик Хураски ялĕнче çуралнă. Ялти пилĕк класлă шкултан вĕренсе тухсан вăл Шупашкарти Çамрăксен каçхи вăтам шкулне пĕтерет. Пĕр хушă Шупашкарти заводсенче ĕçлет, унтан ăна Шупашкар районĕн «Лений çулĕпе» хаçатне чĕнсе илеççĕ. 1958 çул тан пуçласа 1991 çулчченех вăл хаçатра малтан корреспондент, унтан яваплă секретарь пулса ĕçлет. Çав хушăрах 10 çул хушши радиоорганизатор ĕçне те пурнăçласа пырать.

1957 çулта «Ялав» журнал библиотекинче унăн «Салтак чĕри» сăвăсен пуххи пичетленет, 1975 çулта Чăваш кĕнеке издательствинче Павел Васильевăн «Çул пуçламăшĕ» ятлă тепĕр сăвă кĕнеки кун çути курать. Каярахпа тата унăн сăввисемле калавĕсем республикăри, районти хаçат-журналсенче пичетленсе пыраççĕ.


Хайлавĕсем