Хуралта

Павел Васильев | Сăвă | 535


Хĕвел тухман-ха. Сывлăмлă вăрман

Çуммипеле хуллен эп утнă майăн,

Пăрлаттарса сасартăк ман умран

Хăранипе вĕçсе тухать саркайăк.

Инçех те мар, шиплетнĕ сасăсем.

Турат çинче ун йăвине куратăп:

Сап-сар туталлă, тĕксĕр чĕпписем

Ăш йăвара выртаççĕ-çке тăваттăн.

Пуç çийĕнче саркайăк явăнать,

Чĕпписене сыхласшăн вăл, мăнтарăн.

— Хăй йăвинчен яланлăхах ăна

Пистерĕн, кай! — тесе хама ятларăм.

Вĕçех, саркайăк, ан хăра манран,

Юрла хавассăн, ан хăра сăлтавсăр,

Сан пурнăçна сыхлатăп тăшманран

Маттур салтак эп — чикĕри хуралçă.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем