Улькка Эльмен

Улькка Эльмен (Ольга Геннадьевна Куликова) 1961 çулхи çурла уйăхĕн 31-мĕшĕнче Вăрнар районĕнчи Авшак Эльмен ялĕнче çуралнă. Ярмушкăри вăтам шкултан, Чăваш патшалăх университетĕнчен вĕренсе тухнă. Вăрнар районĕнчи Калининăри вăтам шкулта ачасене чăваш чĕлхипе литератури вĕрентнĕ. 1990 çулта районти «Çĕнтерӳ çулĕ» хаçатра ĕçлеме тытăннă. Унтан Санарпуçĕнчи вăтам шкулта директор çумĕ, район администрацийĕнче тĕрĕслевпе йĕркелӳ пайĕн тĕп специалисчĕ пулса ĕçленĕ. Халĕ «Капкăн» журнал редакцийĕнче вăй хурать.

Пĕрремĕш сăввисемпе калавĕсем, повеçĕсем район хаçатĕнче çапăннă, «Ялав», «Тăван Атăл», «Çилçунат» журналсенче пичетленнĕ. У.Эльмен 2002 çултанпа Раççей Писателĕсен союзĕн членĕ.

Унăн кĕнекисем: «Ма инçе-ши çăлтăрăм?..» (2001), «Кая юлнă ӳкĕнӳ» (2002).