Reklamo

Владимир: Мӗн вӑл пирӗншӗн вырӑс чӗлхи?

Владимир30.12.2013 18:1764107 Пурĕ пăхнă

Attila. 30 декабря 2013, 15:35. «Вырӑс чӗлхи пирӗншӗн ют чӗлхе,колонизаторсен чӗлхи. Russian language is a foreign language for me

Для меня русский язык иностранный(язык оккупантов) ,я сразу это всем говорю,я мыслю по чувашски,считаю кстати по чувашски вернее и точнее получается.Мне даже ближе английский и немецкий там больше родственных связей я вижу ,чем в иностранном русском»

Ҫак сӑмахсене пайӑн-пайӑн уйӑрса тишкерме шутларӑм. Attila: "вырӑс чӗлхи пирӗншӗн ют чӗлхе, колонизаторсен чӗлхи". Мӗн пур чӑваша илсен пӗр чӑвашӗ те пулин вырӑсла калаҫма вӑтанать-ши? Ҫук! Кашни чӑваш ҫемьинче вырӑс чӗлхисӗр пурнӑҫа аталантарма май ҫуккине ӑнланаҫҫӗ кӑна мар, чӑваш чӗлхипе аталанаймастӑн тесе шутлаҫҫӗ!Хула варринче чӑвашла калаҫма именекен чӑваш пур-и? Чилай! Мӗншӗн? Кам куншӑн айӑплӑ? Вырӑс-и? Е, чӑвашӗ-и? Кам пире, чӑвашсене, тӑван яла аталантарма чарать? Кам ял ҫумӗнчи ҫӗрсене ҫеремлентерсе ячӗ? Вырӑс-и? Мӗншӗн пурте хуланалла талпӑнатпӑр? Канлӗ, папи пурнӑҫ шыраса! Вырӑс ҫумӗнче!

Attila: "вырӑс чӗлхи пирӗншӗн колонизаторсен чӗлхи" Чӑваш халӑхӗ (Чӑваш ЕН)паянхи куна вырнаҫнӑ вырӑн чӑвашӑн -им? Ҫук? Атӑлҫи Пӑлхарӑн границисене пӗлетпӗр вӗт? Аҫта папкаланса аталаннӑ чӑвашлӑх,- пӗлетӗр-и хуть? Кам халӗ ҫав ҫӗр ҫинче хуҫаланать? Тата. Ҫӗпӗрти, Атӑл тӑрӑхӗнчи чӑвашсем кам ҫумӗнче сыхланса юлма пултарнӑ-ха? Вырӑс ҫумӗнче мар-им? Колонизатор тесе кама калаҫҫӗ? Сан пурнӑҫна аркатса санран тарҫӑ туса хуракана калаҫҫӗ. Ҫапла мар-и? Историе вулакан этем пирӗн шеремет халӑхӗ 13-15-мӗш ӗмӗрсенче мӗнле майпа ҫӑлӑнса юлнине пӗлме кирлӗ. 16-мӗш ӗмӗрте хӑй шӑпине хӑйех палӑртнине те ӑслӑ-тӑнлӑ этем лайӑхах тӑнлама кирлӗ. Иртнӗ ҫӗрҫуллӑх хушшинче вырӑс халӑх ӗнси ҫинче кӑна этем шайне кӗме пултартӑмӑр вӗт. Эпир те эпир тетпӗр. Шкул кӗнекисене илер ха. Тӑван Енех, сӑмахран. 19-мӗш ӗмӗрчен пӗр ӗненмелле пулӑм кӑтартса панӑ-ши ку кӗнекере. Тата ӑсчахӗсем хушшинче пӗр чӑваш та пулин пур-и? И.Яковлев, И.Ьичурин, В.Чапаев, Егоров тата ыттисем те чӑвашсем-им? Кӗнеке вулама, хут пӗлме ҫӗр ҫул кӑна пӗлетпӗр вӗт! Вырӑса пула кӑна!

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (270)]

Komentoj:

Вихтăр // 1160.63.0741 2014.01.02 15:47
	Вихтăр Акапасара хăйĕн манифестне çыртарасшăн. Мĕнле тĕллевпе çырать çак йĕркесене --"Апла пулсан мĕн никам та чармасть тесе халлап çапатăр???". Вăл мĕн чăваш укçине таварçаврăнăшне кĕртесшĕн-и, е компьютер программине чăвашла йĕркелесшĕн-и? Каламасăрах паллă, экономика е финанс саккунĕсем тăрăх çак çĕнĕлĕхсене кĕртме кирлĕ сахалтан та пĕр 50 млн.чăваш. Çавна ăнланмасан мĕн тума çыран? Ав паян прибалтсем те Евро хушшине кĕрсе ÿкрĕç.
Agabazar // 4211.09.0448 2014.01.02 16:32
	Тавай çитет халлап çапса!!! Чăваш чĕлхине усă курма никам та чармасть, анчах пур ĕçе те вырăсла тумалла, пур çĕрте те вырăсла калаçмалла — ак сирен "философи"! Хуть тăпасакайне анса пурăн. Вихтăр:"...паян прибалтсем те..." Тăван чĕлхене "прибалтсен" шайĕнче тытса пыма паянхи чăваш ĕмĕтленме те пултараймасть! Вĕсеннипе танлаштарсан пирĕн патри тăван чĕлхе шайĕ 0,01%! Пирĕн вара вĕсемпе танлаштарсан пĕр 10% тĕлне çитсен те Турра тав тăвас пулать!
Тимӗр // 2612.29.0420 2014.01.02 22:20
	Акапасар.Пур çĕрте те вырăсла калаçаканни вăл эсĕ пулмалла.Тымарланпа Илле-паттăр ĕмĕр ирттереççĕ лавккара,транспортра ,тĕрлĕ кантурта чĕлхемĕре хÿтĕлесе.Хама та тÿр килчĕ суд таранах çитме чĕлхе пирки.Акапасар ăçта йĕр хăварнине курасчĕ.
Якур // 2965.43.7736 2014.01.02 22:27
	Акапасар,çитет халап çапса. Хун чĕрне хури тăршшĕ ĕçне кăтарт-ха халăха.
Agabazar // 1545.79.4031 2014.01.02 22:40
	Тымарлансемпе Илле-паттăрсем апла тăваççĕ пуль-ха та, анчах Волочасем пачах урăххине вĕрентеççĕ пире! Иккĕмĕшĕсем пĕрремĕшĕсенчен темиçе пин хут нумайрах! Çитменнине тата Тымарлансемпе Илле-паттăрсене хĕнеççĕ, автобуссенчен кăларса пăрахаççĕ, сайтсенче банлаттараççĕ, судпа айăплаççĕ, ĕçрен сирпĕтеççĕ......... Волочасем вара хăнк! та тумасăр пурăнаççĕ.
Якур // 2965.43.7736 2014.01.02 23:28
	Пурнăç тапранса каясси Акапасар мĕн тунинчен килет. Халлĕхе Акапасар ним те тумасть, тапранман-ха!
Ефим Н. // 4186.57.1361 2014.01.03 00:49
	Вырăс чĕлхи пирĕншĕн ют чĕлхе,колонизаторсен чĕлхи пулма пултараймасть! Кун пек шухашлани -халахсене хирестерес тени кана пулать. Ан патратар халаха!
Атл // 8312.4.3778 2014.01.03 02:18
	Çĕн Çулта Çĕн Телей кашни Этеме! Ырлх-Сывлх!Ăнса пытр кашни кун! Лăпкă туйм пултр чĕрере.. Ачаш çил лпкатр-упратр пирьн Çĕре. Хль Мучирен Салам пурне те Сире!
Agabazar // 2486.57.4554 2014.01.03 15:13
	Ефим Н.:"Вырăс чĕлхи пирĕншĕн ют чĕлхе,колонизаторсен чĕлхи пулма пултараймасть! Кун пек шухашлани -халахсене хирестерес тени кана пулать. Ан патратар халаха!" Çакнашкал шухăшсене вырăссене те вĕрентĕр-ха, Еххим хăта. Атту вĕсем пирĕн тăван чăваш чĕлхине вĕренме тивĕçлĕ мар чĕлхе тесе шутлаççĕ:"ирĕклĕн" (?) вĕренмелле имĕш. паллах, чĕлхе вăл чĕлхе, унăн хуçи çук. Вăл колонизаторсен те, чурасен те, тата ыттисен те мар. Чĕлхе вăл çын мар, ăна айăплама çук. Кашни чĕлхе тĕлĕшпех çавна каламалла.
Владимир // 2945.18.1794 2014.01.03 16:20
	Аха, тата тепĕр так!