"Стратегия и тактика развития чувашского народа"- Ҫапла, малалла ӑҫталла тата мӗнле Чӑваш халӑхӗн (Чӑвашсен) аталанмаллине кӑсӑклӑ тата тӗплӗ шухӑшласа палӑртсан, тӗллев лартсан аван пулать.

Ҫакне калас килет, ҫӗр чӑмӑрӗ ҫинче питех нумай халӑхсем (патшалӑхӗсем вара халӑхсен шутӗнчен нумай сахалтарах), ҫакна пула хӑшпӗр халӑхсем пӗр патшалӑхра пӗр-пӗринпе пӗрле пурӑнса аталанма тивет. Эпир, Чӑвашсем, Раҫҫейре ҫӳлерех каланӑ пек патшалӑхра пурӑнатпӑр. Ку ҫакӑн пек шухӑш патне мана илсе ҫитерчӗ-Чӑвашсен аталану тӗллевӗ тата ун патне ҫитерекен меслетсем пирӗн пек пурӑнакан нумай халӑхсеннипе тан, вӗсен тӗллевӗсемпе пӗр. Ҫавӑнпа малашлӑха вӗсемпе пӗрле пӑхас тата тӑвас пулать. Чӑвашсен тата ытти халӑхсем пӗршухӑшлӑхӗсемпе пӗртӗллевӗсене курса, палӑртса, пӗрле аталанмалли меслетсем тупмалла. Ҫавӑнпа пӗрлех, кашни халӑхӑн хӑйтытӑмлӑхне, чӗлхине, культурине, турӗненӗвне, пурнӑҫ йӑлисене упраса, аталантарса пымалли майсем тупмалла. Ку ӗҫре халӑхсене пайласа (тутарсем-чӑвашсем- вырӑссем...), хирӗҫлетсе (вырӑссем-оккупантсем), айӑплатса (чӑвашсем- мӗскӗн халӑх) вӑрҫӑнтармалла мар, пӗрпеклӗхсене ытларах палӑртмалла тата тишкермелле...

Ҫак енчен мана Конмин шухӑшӗсем килӗшрӗҫ, ҫаванпа пӗрлех ("...-кто в этом виноват?...") айӑплисене шырани кӑмӑла каймарӗ. Шутлӑр-ха, эпир айӑплисене шырани тата айӑплӑ пулассинчен хӑранипе малалла каяймастпӑр е аталанаймастпӑр мар-и?