Италие çитсе килме ĕмĕтленекен нумаййи пирки иккĕленместĕп. Ара, илемлĕхĕпе хăйĕн патне кăчăк туртать-çке вăл. Мĕнпе уйрăлса тăрать вăл? Мĕнпе тĕлĕнтерет?

• Италире 20 регион. Кашнин – хăйĕн диалекчĕ, хăш чухне калаçăва кÿршĕ регионтисем те ăнланмаççĕ-мĕн.

• Регионсем вара коммунăсем çине пайланаççĕ. Вĕсем те пĕр-пĕрин калаçăвне ăнланмасан та пултараççĕ.

• Ку, ахăртнех, лайăх хыпар. Италире ача çурчĕсем çук.

• Çавăн пекех унта килсĕр-çуртсăр чĕрчунсем те çук.

• Тĕлĕнмелле те, çемьесенчен арçынсем арăмĕсенчен хăраççĕ.

• Кафере е хупахра кофе илсе килмешкĕн акăлчан чĕлхипе ыйтсан уншăн 2 хут нумайрах тÿлеме те тивет. Вырăнти халăх валли хаксем кăшт пĕчĕкрех-мĕн.

• Autostrada пысăк хăвăртлăхпа çÿремелли шоссе ялан тенĕ пекех тÿлевлĕ. Унти хăвăртлăх сехетне 130 çухрăмран ытларах пулмалла мар.

• Италири сăмахсем уçă сасăпа вĕçленеççĕ.

• Кашни регионти кухня – расна.

• Италири çынсем нумай çул пурăнаççĕ.

• Испансемпе итальянсем пĕр-пĕрне ăнланаççĕ: чĕлхи пĕрешкелтерех.

• Польшăпа Итали – Европăри тĕне чи вăйлă ĕненекен çĕршывсем.

• Италире каçхи апат пĕлтерĕшлĕ шутланать. Ун чухне вĕсем хырăм туличченех çиеççĕ.

• Итальянсем сĕткенсем ĕçмеççĕ. Вĕсене ресторансенче те сутмаççĕ.

• Итальянсем эрех ĕçме те юратмаççĕ.

• Олива çăвне ялти хресченсенчен туянаççĕ. Ăна супермаркетра туянни килĕшÿсĕр-мĕн.

• Итали – нумай нациллĕ çĕршыв. 95 проценчĕ – итальянсем.